Ekspertet

Një akademike e shquar dhe në të njëjtën kohë një figurë e respektuar në shërbimin publik në Shqipëri, Dr. Xhindi zotëron dy tituj “Doktor Shkencash” në Gjeografi Humane dhe Zhvillim e Planifikim Rajonal nga institucione prestigjioze në Shqipëri dhe Gjermani. Ajo është gjithashtu përfituese e bursës Fulbright/Humphrey për studime në Politika Arsimore dhe Studime Krahasuese në Shtetet e Bashkuara të Amerikës.

Me mbi 30 vite përvojë në mësimdhënie, ajo ka dhënë kontribute të rëndësishme në akademi dhe ka fituar vlerësimin si mbajtësja e parë e titullit “Jean Monnet Chair” në Shqipëri, akorduar nga Komisioni Europian.

Përtej angazhimit akademik, ajo ka dhënë kontribut të çmuar në sferën publike, duke shërbyer si Koordinatore për Ndihmën e Huaj pranë Kryeministrit të Shqipërisë në vitet 2007–2009 dhe si Nënkryetare e Bashkisë së Tiranës gjatë periudhës 2013–2015. Këto pozicione e kanë konsoliduar si një figurë publike me ekspertizë të gjerë në menaxhim dhe politika publike.

Dr. Xhindi është gjithashtu anëtare aktive në komitete të ndryshme të programeve COST, duke promovuar koordinimin ndërqeveritar, barazinë gjinore dhe kërkimin krahasues në Evropë. Përkushtimi i saj për bashkëprodhimin e dijes dhe promovimin e kërkimit brenda komunitetit akademik shprehet edhe në rolin e saj si menaxhere granti në projektin Erasmus+ CBHE “University to Society Innomediaries in Albania” (U2SID), të financuar nga Bashkimi Europian.

Ndikimi i Dr. Xhindit shtrihet përtej auditorëve, në fushën e veprimeve të jashtme dhe menaxhimit të projekteve të shumta europiane, ku ajo demonstron angazhimin e saj për përmirësim shoqëror, ndërtimin e  kapaciteteve dhe integrim europian.

Aktualisht, Dr. Xhindi është Pro-Rektore në Universitetin Mesdhetar të Shqipërisë si dhe Drejtuese e Zyrës për Bashkëpunim Institucional dhe Zhvillim Projektesh. Ajo gjithashtu drejton projektin U2SID në këtë universitet.