Edukimi dhe zhvillimi i kapitalit njerëzor – Sherbimet

Shërbimet

Hartimi i kurrikulave

Hartimi i kurrikulave profesionale që reflektojnë nevojat aktuale dhe të ardhshme të tregut të punës, duke përfshirë inovacionin dhe praktikat më të mira kombetare dhe ndërkombëtare.

Organizimi i trajnimeve

Organizimi i trajnimeve profesionale 1-6 mujore, të fokusuara në zhvillimin e aftësive praktike dhe përmirësimin e njohurive teknike për individë dhe profesionistë nga fusha të ndryshme.

Organizimi i workshop-eve

Organizimi i workshop-eve tematike dhe sesioneve informuese, për të ofruar hapësira diskutimi, shkëmbim përvojash dhe qasje mbi temat më të rëndësishme që prekin sektorë të ndryshëm të ekonomisë dhe shoqërisë.

Kurrikulat Profesionale

1. Hartim dhe Menaxhim Projektesh

Përmbajtja: Kjo kurrikulë mbulon të gjithë ciklin e menaxhimit të projekteve (Project Cycle Management – PCM), përfshirë analizën e kontekstit, identifikimin dhe formulimin e projekteve, hartimin e objektivave SMART, zhvillimin e planit të aktiviteteve, buxhetimin dhe monitorimin e progresit. Përfshihet gjithashtu përdorimi i matricës logjike dhe veglave të menaxhimit të riskut për projekte komplekse.
Metodologjia: Sesione teorike të kombinuara me punëtori praktike, ku pjesëmarrësit punojnë në grupe për të hartuar një projekt nga fillimi deri në zbatim. Përfshihen studime rasti nga projekte të suksesshme.
Ekspertiza: Eksperte me përvojë të gjerë në menaxhimin e projekteve të financuara nga BE, organizata ndërkombëtare dhe agjenci zhvillimi.
Objektivat: Pjesëmarrësit do të zhvillojnë aftësi për të analizuar nevojat dhe mundësitë, për të hartuar projekte me impakt të lartë dhe për të menaxhuar zbatimin e tyre në mënyrë të suksesshme.

2. Menaxhimi Financiar i Projekteve

Përmbajtja: Fokus në planifikimin dhe menaxhimin financiar të projekteve, përfshirë zhvillimin e buxheteve, kontrollin e shpenzimeve, përgatitjen e raporteve financiare, menaxhimin e fondeve dhe pajtueshmërinë me kërkesat financiare të donatorëve (BE, IPA, etj.). Gjithashtu trajtohen auditimet dhe menaxhimi i riskut financiar.
Metodologjia: Punëtori praktike me përdorim të softuerëve financiarë, si dhe simulime të rasteve reale për të zhvilluar aftësi praktike në menaxhimin e financave të projekteve.
Ekspertiza: Kontabilistë dhe menaxherë financiarë me përvojë në projekte ndërkombëtare dhe në auditim financiar.
Objektivat: Pjesëmarrësit do të fitojnë aftësi për të krijuar dhe menaxhuar buxhete të qëndrueshme dhe për të siguruar raportim financiar të saktë dhe transparent.

3. Shkrimi i Projekt Propozimeve të Suksesshme

Përmbajtja: Përmban hapat kryesorë të shkrimit të një projekt propozimi, përfshirë kërkesat dhe format e aplikimit të donatorëve, përgatitjen e analizës së problemit dhe zgjidhjeve, përshkrimin e objektivave dhe rezultateve, dhe përpilimin e buxhetit dhe planit të aktiviteteve. Fokus i veçantë në donatorët ndërkombëtarë si BE, UNDP dhe organizata të tjera të ngjashme.
Metodologjia: Ushtrime të bazuara në shkrimin e propozimeve të vërteta, rishikime kolektive të propozimeve, dhe simulime të proceseve të aplikimit.
Ekspertiza: Konsulentë me përvojë në përgatitjen e aplikimeve të suksesshme për programe ndërkombëtare dhe kombëtare.
Objektivat: Të aftësojë pjesëmarrësit për të hartuar propozime të qarta, konkurruese dhe të përshtatura sipas kërkesave të donatorëve.

4. Monitorimi dhe Vlerësimi i Projekteve

Përmbajtja: Përfshin krijimin e një sistemi efektiv të monitorimit dhe vlerësimit (MEL), zhvillimin e treguesve të performancës, matjen e impaktit të projekteve dhe përgatitjen e raporteve të vlerësimit për donatorët dhe partnerët. Gjithashtu, theksohet rëndësia e mësimeve të nxjerra për përmirësimin e projekteve të ardhshme.
Metodologjia: Punëtori praktike me zhvillimin e planeve të M&E, analiza të rasteve reale dhe përdorimi i veglave teknologjike për mbledhjen e të dhënave.
Ekspertiza: Specialistë të monitorimit dhe vlerësimit me përvojë në zbatimin e sistemeve M&E për projekte të mëdha ndërkombëtare.
Objektivat: Të aftësojë pjesëmarrësit për të krijuar dhe zbatuar një sistem të qëndrueshëm të M&E për të matur progresin dhe rezultatet e projekteve.

5. Komunikimi dhe Vizibiliteti i Projekteve

Përmbajtja: Fokus në zhvillimin e strategjive të komunikimit dhe vizibilitetit për projekte, përfshirë përdorimin efektiv të mediave sociale, përgatitjen e materialeve të komunikimit (broshura, raportet, etj.) dhe organizimin e eventeve publike për promovimin e projekteve. Gjithashtu përfshihen kërkesat e BE-së dhe donatorëve të tjerë për vizibilitet.
Metodologjia: Sesione teorike dhe praktike, me krijimin e planeve të komunikimit dhe simulime për përgatitjen e materialeve dhe eventeve.
Ekspertiza: Specialistë të marketingut dhe komunikimit me përvojë në sektorin e projekteve ndërkombëtare.
Objektivat: Pjesëmarrësit do të zhvillojnë aftësi për të krijuar dhe zbatuar strategji efektive të komunikimit dhe për të rritur vizibilitetin e projekteve të tyre.

6. Menaxhimi i Ndihmës Financiare të Projekteve IPA

Përmbajtja: Trajton menaxhimin e ndihmës financiare të Instrumentit për Asistencë Para-Anëtarësuese (IPA), përfshirë procedurat administrative, përgatitjen dhe menaxhimin e fondeve, dhe raportimin sipas kërkesave të BE-së. Përfshihen gjithashtu mësime mbi pajtueshmërinë me rregulloret dhe standardet e auditimit të BE-së.
Metodologjia: Ushtrime praktike mbi përgatitjen e dokumenteve të kërkuara për fonde IPA, simulime të proceseve të raportimit dhe analiza të rasteve nga projekte të suksesshme IPA.
Ekspertiza: Konsulentë dhe menaxherë projektesh me përvojë në menaxhimin e fondeve IPA dhe programeve të tjera të BE-së.
Objektivat: Të aftësojë pjesëmarrësit për të menaxhuar me sukses fondet IPA, duke siguruar pajtueshmëri me kërkesat teknike dhe financiare të BE-së.

Trajnimet Profesionale

Hartim dhe Menaxhim Projektesh-Niveli I

Ky trajnim ka për qëllim të pajisë pjesëmarrësit me bazat e menaxhimit të projekteve, duke u fokusuar në ciklin e projektit nga konceptimi deri te zbatimi. Në fund të trajnimit, pjesëmarrësit do të jenë në gjendje: Të hartojnë një propozim projekti bazuar në nevojat e një grupi të caktuar. Të kuptojnë dhe zbatojnë elementët kryesorë të planifikimit dhe zbatimit të projekteve. Të zhvillojnë një plan pune dhe një strukturë organizative për projekte të vogla.

€

500

Mundësi pagese në 2 këste

Kohëzgjatja: 8 javë/16 Sesione (2 herë në javë)
Niveli: Fillestar
Grupi:10-15 persona
Tarifa për studentët: 300€ (Vlera e reduktimit 40%)

Menaxhimi i Ndihmes Financiare të Be-së Projektet IPA

Synon të thellojë njohuritë mbi ndihmën financiare të BE-së dhe kërkesat specifike të programeve IPA (Instrument për Ndihmën e Para-Aderimit). Objektivat përfshijnë: Të kuptojnë procesin e përgatitjes dhe menaxhimit të projekteve në kuadër të fondeve IPA. Të mësojnë teknikat e raportimit financiar dhe administrativ për të përmbushur standardet e BE-së. Të zhvillojnë aftësi për të menaxhuar partneritetet ndërkombëtare dhe proceset logjistike.

€

750

Mundësi pagese në 2 këste

Kohëzgjatja: 8 javë/16 Sesione (2 herë në javë)
Niveli: Mesatar/i Avancuar
Grupi: 8-10 persona
Tarifa për studentët: 470€ (Vlera e reduktimit 40%)

Shkrimi i Projekt Propozime Te të Suksesshme

Trajnimi përqendrohet në ndërtimin e aftësive për të hartuar projekt propozime konkurruese dhe të qëndrueshme. Objektivat përfshijnë: Të identifikojnë dhe analizojnë thirrjet për aplikim. Të zhvillojnë një ide projekti në përputhje me objektivat e donatorëve. Të strukturojnë dokumentacioni e nevojshëm dhe të përgatitin një buxhet të qartë dhe realist.

€

350

Kohëzgjatja: 4 javë/ 8 Sesione (2 herë në javë)
Niveli: Fillestar/Mesatar
Grupi:10-15 persona
Tarifa për studentët: 210€ (Vlera e reduktimit 40%)

Monitorimi dhe Vlerësimi i Projekteve

Ky trajnim ka për qëllim të forcojë aftësitë për monitorimin dhe vlerësimin e efektivitetit dhe impaktit të projekteve. Objektivat kryesore janë: Të krijojnë një sistem të strukturuar për mbledhjen dhe analizimin e të dhënave. Të përdorin indikatorë për të matur rezultatet dhe ndikimin e projektit. Të raportojnë gjetjet e monitorimit dhe të propozojnë përmirësime për projektet në vazhdim

€

500

Kohëzgjatja: 6 javë / 12 Sesione (2 herë në javë)
Niveli: Fillestar/Mesatar
Grupi: 10-15 persona
Tarifa për studentët: 300€ (Vlera e reduktimit 40%)

Komunikimi dhe Vizibiliteti i Projekteve

I krijuar për të mësuar pjesëmarrësit se si të promovojnë projektet dhe aktivitetet e tyre në mënyrë efektive. Objektivat përfshijnë: Të zhvillojnë strategji të komunikimit dhe vizibilitetit që rrisin ndërgjegjësimin dhe angazhimin e publikut. Të krijojnë materiale promovuese dhe përmbajtje për platformat online dhe offline. Të organizojnë aktivitete dhe fushata për rritjen e ndikimit të projekteve

€

350

Kohëzgjatja: 5 javë/ 10 Sesione (2 herë në javë)
Niveli: Fillestar/Mesatar
Grupi:10-15 persona
Tarifa për studentët: 210€ (Vlera e reduktimit 40%)

Menaxhimi Financiar i Projekteve

Fokusuar në aftësitë për planifikimin, menaxhimin dhe raportimin financiar të projekteve, ky trajnim ka për qëllim: Të hartojnë një buxhet të detajuar dhe të parashikojnë kostot e projektit. Të menaxhojnë financat në përputhje me politikat dhe standardet ndërkombëtare. Të krijojnë raporte financiare të sakta dhe transparente për donatorët dhe partnerët.

€

500

Kohëzgjatja: 4 javë / 8 Sesione (2 herë në javë)
Niveli: Fillestar/Mesatar
Grupi: 10-15 persona
Tarifa për studentët: 300€ (Vlera e reduktimit 40%)